E cecate ’e Caravaggio
SALVATORE DI GIACOMO
Testo e traduzione
– Dimme na cosa. T’ allicuorde tu
’e quacche faccia ca p’ ’o munno e’ vista,
mo ca pe sempe nun ce vide cchiù?
– Sì, m’ allicordo; e tu? – No, frato mio;
io so’ nato cecato. Accussì ncielo,
pe mme murtificà, vulette Dio…
– Lassa sta’ Dio!… Quant’ io ll’ aggio priato,
frato, nun t’ ’o puo’ manco mmaggenà,
e Dio m’ ha fatto addeventà cecato.
– È overo ca fa luce pe la via
’o sole?… E comm’ è ’o sole? – ’O sole è d’ oro,
comme ’e capille ’e Sarrafina mia…
– Sarrafina?… E chi è? Nun vene maie?
Nun te vene a truvà? – Sì… quacche vota…
– E comm’ è? Bella assaie? – Si… bella assaie…–
Chillo ch’ era cecato ’a che nascette
suspiraie. Suspiraie pure chill’ ato,
e ’a faccia mmiez’ e mmane annascunnette.
Dicette ’o primmo, doppo a nu mumente:
– Nun te lagnà, ca ’e màmmema carnale
io saccio ’a voce… ’a voce sulamente… –
E se stettero zitte. E attuorno a Iloro
addurava ’o ciardino, e ncielo ’o sole
luceva, ’o sole bello, ’o sole d’oro…
(Tratta dalla raccolta Zi’ Munacella)
Traduzione
I ciechi di Caravaggio
– Dimmi una cosa. Ti ricordi
di qualche viso che hai visto per il mondo
ora che non ci vedi più per sempre?
– Sì, mi ricordo; e tu? – No, fratello mio;
io sono nato cieco. Così come in cielo
volle Dio dal cielo per mortificarmi…
– Lascia stare Dio!… Quanto l’ho pregato,
fratello, non lo puoi nemmeno immaginare,
e Dio mi ha fatto diventare cieco.
– È vero che illumina la strada
il sole?… E com’è il sole? – Il sole è d’oro,
come i capelli di Serafina mia…
Serafina?… E chi è? Non viene mai?
Non viene mai a trovarti? Sì… qualche volta…
– E com’è? Molto bella? –Sì… molto bella…–
Quello che era cieco dalla nascita
sospirò. Sospirò pure l’altro
e nascose il viso tra le mani.
Disse il primo, dopo un momento:
– Non lamentarti, che della mia mamma
conosco solo la voce… la voce soltanto… –
E stettero in silenzio. E intorno a loro
profumava il giardino, e nel cielo il sole
splendeva, il sole belo, il sole d’oro…
Nota: Caravaggio era il nome di un ospizio dei ciechi detto appunto «Caravaggio» in virtù di un quadro della Vergine, opera del grande pittore, presente sull’altare maggiore della chiesa annessa al convento degli Scolopii, a Piazza Dante. Attualmente l’ex convento ospita l’istituto Domenico Martusciello sempre dedicato ai non vedenti.
© Riproduzione riservata